រដ្ឋបាលខេត្តបាត់ដំបង

ស្វែងរក

លោក ហាក់ ឡេង ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកបូទុមសាគរ បានអោយក្រុមការងារអញ្ជើញទទួលទេយ្យទាន ជាគ្រឿងឧបភោគបរិភោគ មួយចំនួន ពីព្រះចៅអធិការវត្តសុវណ្ណតេជោ(ហៅវត្តភ្នំប្រចៀវ) វត្តថ្មស និងព្រះចៅអធិការវត្តចម្លងគោ។

  • 162
  • ដោយ Admin

សាខា កក្រក ខេត្តកោះកុង ៖ ថ្ងៃសៅរ៍ ២កើត ខែអស្សុជ ឆ្នាំជូត ទោស័ក ព.ស២៥៦៤ ត្រូវនឹងថ្ងៃទី ១៩ ខែកញ្ញា ឆ្នាំ២០២០ លោក ហាក់ ឡេង ប្រធានគណៈកម្មាធិការអនុសាខាកាកបាទក្រហមកម្ពុជា ស្រុកបូទុមសាគរ បានអោយក្រុមការងារអញ្ជើញទទួលទេយ្យទាន ជាគ្រឿងឧបភោគបរិភោគ មួយចំនួន ពីព្រះចៅអធិការវត្តសុវណ្ណតេជោ(ហៅវត្តភ្នំប្រចៀវ) វត្តថ្មស និងព្រះចៅអធិការវត្តចម្លងគោ។

មានសង្ឃដីកានាឱកាសនោះ ព្រះតេជគុណ ទាំង៣ព្រះអង្គ មានការគាំទ្រ និងមានទឹកព្រះទ័យរីករាយ ចូលរួមចំណែកជាមួយសកម្មភាពមនុស្សធម៌របស់កាកបាទក្រហមកម្ពុជា ក្នុងការជួយសង្គ្រោះ ក៏ដូចជាជួយ​សម្រាលទុក្ខលំបាករបស់ញោមញាតិទីទ័លក្រនៅគ្រប់ទីកន្លែង ។

ក្នុងឱកាសនោះដែរ ក្រុមការងារអនុសាខាស្រុកបាន ​ថ្លែងអំណរព្រះគុណ ចំពោះព្រះទ័យដ៏សប្បុរសធម៌​របស់ព្រះតេជគុណ ក្នុងការយកព្រះទ័យទុកដាក់​ប្រទាន​នូវទេយ្យទាន គ្រឿងឧបភោគបរិភោគ នេះ សបញ្ជាក់​ពីព្រះទ័យ​ដ៏មនុស្សធម៌ ចំពោះបងប្អូនប្រជាពលរដ្ឋរង​គ្រោះ និងងាយរងគ្រោះ ។ ក្នុងកាយវិកាដ៏មនុស្សធម៌នេះ គឺជាការចូលរួមរបស់ព្រះសង្ឃក្នុងវិស័យអាណាចក្រ ជាមួយសកម្មភាពមនុស្សធម៌របស់ កាកបាទក្រហមកម្ពុជា ដែលមានសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាប្រធាន។ គ្រឿងឧបភោគបរិភោគទាំងនេះ អនុសាខាកាកបាទក្រហមកម្ពុជា ស្រុកបូទុមសាគរ នឹងយកទៅប្រើប្រាស់ឲ្យចំគោលដៅមនុស្សធម៌ នៅពេលដែលប្រជាពលរដ្ឋយើងទទួលរងនូវគ្រោះមហន្តរាយផ្សេងៗ ដោយមិនប្រកាន់ ពូជសាសន៍ ពណ៌សម្បុរ និងនិន្នាការនយោបាយណាមួយឡើយ ស្របតាមគោលការណ៍គ្រឹះទាំង៧ប្រការរបស់ចលនាកាកបាទក្រហម អឌ្ឍចន្ទក្រហម។
ទេយ្យទានដែលបានទទួលមាន៖
១_ វត្តសុវណ្ណតេជោ ៖(អង្ករ ២បាវ មី ៦កេស ត្រីខ ៤យួរ ទឹកស៊ីវអ៉ីវ ៤យួរ ទឹកត្រី ២យួរ ស្ករស ១០កញ្ចប់ ប៊ីចេង៦កញ្ចប់ ទឹកក្រូច ៤ដ កាហ្វេ ៤កញ្ចប់ធំ នំអន្សម ១ថង់ និងថវិកា ២០០,០០០រៀល)
២_ វត្តចម្លងគោ៖ (មី ៣កេស និងថវិកា ៣០០,០០០រៀល)
៣_វត្តថ្មស ៖ (នំអន្សម ១ថង់ និងថវិកា ១០០,០០០រៀល)។

អត្ថបទទាក់ទង